السلام عليكم ورحمة الله وبركاته
اخباركم مع هالاجواء الله يديمها يارب
ويرزقنا المطر ونكشت بالشوكي والا التنهات
تخبرون تاثير قتاة فتافيت على المراه العاطله
من كثر ماشوفهم يطبخون سمك شهوووني والله
قلت يابنت ليه ماتسوي اختراع جديد للسمك ان ضبط كان بها وان ماضبط محد بيدري
المهم مالكم بالهذره الواجده
الطريقه والمقادير
شريحة سمك حسب الرغبه
ملح وفلفل وبهارات وليمون ومسحوق الثوم وبقدونس شوي مقطع
تتبل الشريحه بالملح والفلفل والبهارات والثوم والليمون
ويوضع عليها البقدونس وتترك لمدة نص ساعه تتبل
بعدين نجيب دقيق ونحط عليه بهارات وملح وفلفل ونخلطه ونقلب الشريحه فيه
بعدين نقلي السمه في شوي زيت ..بس انا حطيت زيت زيتون
وبعدين نقدمه وبالهناء والعافيه عليكم
ودمتم بخير